Осигурани производи, сигурно купување! - SAVA Осигурување на Вашите нови производи од Нептун
Нептун Македонија во соработка со Сава осигурување воведува нов осигурителен производ за комбинирано осигурување на мобилна и техничка опрема купена во продажните салони.
Осигурувањето на мобилна и техничка опрема нуди покритие за случајно настаната штета, провална кражба и разбојништво и за злоупотреба на мобилна опрема, за времетраењето на основната гаранција на производителот или доколку е склучено осигурување по Условите за продолжена гаранција за апарати за домаќинство, за времетраење на продолжената гаранција, но најмногу до 3 години.
Предмет на осигурување може да биде исклучиво нова техничка или мобилна опрема купена во продавниците на Нептун Македонија со цена поголема од 9.000 денари. Сума на осигурување за техничка и мобилна опрема претставува новонабавната вредност на опремата според фискална сметка или фактура.
- Техничка опрема: ТВ и аудио уреди, бела техника, десктоп компјутери
- Мобилна опрема: мобилни телефони, таблети, преносни компјутери (лаптопи)
| ТЕХНИЧКА ОПРЕМА |
За една година |
За две години |
За три години |
| Бела техника |
1.5% |
2.4% |
3.0% |
| ТВ и аудио уреди |
3.2% |
5.0% |
6.0% |
| Десктоп компјутери |
3.2% |
5.0% |
|
| МОБИЛНА ОПРЕМА |
За една година |
За две години |
| Мобилни телефони (Android) |
11.0% |
15.0% |
| Мобилни телефони (iPhone) |
12.5% |
18.0% |
| Преносни компјутери (Лаптопи) |
7.0% |
10.0% |
| Таблети |
7.0% |
10.0% |
Дополнителна опасност – злоупотреба на мобилна опрема и десктоп компјутери
За оваа дополнителна опасност, доплатокот на премија изнесува 20%
Лимитот на покритие по штетен настан и за времетраење на осигурувањето изнесува 1.000 ЕУР во денарска противвредност
*Забелешка: Премиите се наплаќаат еднократно во моментот на купување на производот.
Амортизација на осигурените уреди
Месечните стапки на амортизација со кои се пресметува процентот на амортизираноста на опремата изнесуваат:
- За телевизиски и аудио уреди 2%
- За бела техника 2%
- За десктоп / лаптоп компјутери 3%
- За мобилни телефони 3%
- За таблети 3%
Франшиза
Осигуреникот во секоја штета учествува со одбитна франшиза во висина од 15% од износот на штетата, но не помалку од 50 ЕУР во денарска противвредност, за следните осигурани опасности:
- Случајно настаната штета поради физичко оштетување или оштетување на опремата како последица на паѓање или удар
- Провална кражба и разбојништво
- Злоупотреба на мобилна опрема и десктоп компјутери